أقول آسف
وألفين لو ما كنت يا شوق مخطي
مثلك ولو ف أجزاء لحظات زعلان
عن خاطري اسباب الافراح تبطي
يا من يحنط مهجتي صوبه احيان
واحيان يقلب لون بي كان حنطي
قلبي و دم القلب مع كل شريان
تهواك دامك محكم ن زين ربطي
يا مغلغل الابهار جوات قيفان
ومزين اللي شان من قبح خطي
بحر الحسن طالبك يا بحر الاحسان
موجة وصالك تلطم ارجوك شطي
وترمي وراك الحزن واللوم لو كان
قدري كبير وخابرك دوم معطي
وقت الصفا وقت الرضا و الونس حان
وان كان فيها شروط ف الضحك شرطي
ابسالك .. وش عاد لو كنت هيمان
وبعرض شاسع يكتب (اهواك) بنطي
شفني ف عز البرد بالحيل دفيان
من يوم جا طاريك في بال شبطي
0 تعليقات على " اقول اسف مره ان كنت غلطان-نواف الشلهوب "
مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ