أعشب خصيبه - الشاعر نواف الشلهوب
أعشب خصيبه
من يوم شفتك شفت نفسي على النــاس
وشلون ظنك لو تكوني حبيبه
يا غيمة الفرحات و يا زخة ألمــاس
ويا مرتع الهيبات وأعشب خصيبه
جايز يبالغ كل شاعر بالاحساس
الين يوصل قولة : انك نصيبه
لكن دخيل البوس واللي بـ تنباس
عقب الغياب تصدقي .. يا عريبه
جيتك فكر مدحور بحضوره انجاس
يوم اغلب العشاق فكره زريبه
عبدي قصيدي واعتقه فوق قرطاس
ولعيونك امزج لولوه مع عجيبه
اللي النظم فيها مجاراته افلاس
وان عصلج الابداع تغمز تجيبه
لبيه يا من ضحكها يحبس انفاس
لو توصل لعصفور جبنا حليبه
يقوله اللي شاف نفسه على الناس
من شوفتك .. وشلون وانتي حبيبه